दाङ : दाङको तुलसीपुरमा दाजुभाई मृत फेला परेका छन् । तुलसीपुर उपमहानगरपालिका–१६ डोक्रेना घर भइ तुलसीपुर–६ गाइडहरमा भाडामा बस्दै आएका ३४ वर्षीय पूर्णबहादुर बस्नेत र उनका भाइ ३० वर्षीय टेकबहादुर बस्नेत कोठाभित्र मृत्त अवस्थामा फेला परेको इलाका प्रहरी कार्यालय तुलसीपुरका प्रमुख प्रहरी नायब उपरिक्षक ठाकुरप्रसाद पोख्रेलले जानकारी दिए ।
डिएसपी पोख्रेलका अनुसार घटनाको प्रकृति हेर्दा आत्महत्या गरेको देखिन्छ । उनी दुवै दाजुभाईले पारिवारिक समस्याका कारण विष सेवन गरेको प्रहरीको अनुमान छ । उनीहरु बस्ने घरमा कोही पनि नबस्ने भएकोले कहिले विष सेवन गरे भन्ने एकिन नभएको डिएसपी पोख्रेलले बताए ।
सबै झ्यालढोका बन्द देखेपछि पछाडिको निकासद्वारको ग्रिलको पल्ला खोलेर हेर्दा दाजुभाइ मृत अवस्थामा देखेपछि स्थानीयले प्रहरीलाई खबर गरेका थिए । मृत्तकका परिवार भारतबाट आउदै गरेको डिएसपी पोख्रेलले बताए । मृतकको शव राप्ती प्रादेशिक अस्पताल तुलसीपुरको शव गृहमा राखिएको छ ।
