कैलाली : कैलालीको मुख्य बजार धनगढीमा आगलागी हुँदा अस्पतालसहित ८ पसल जलेका छन् । शुक्रवार राती १ बजे धनगढीको मुख्य बजारमा रहेको खाद्य संस्थानको भवनमा रहेको सारथी अस्पतालसहितका पसलमा विद्युत सर्ट भएर आगलागी हुँदा अस्पतालसहित ८ पसल जलेको प्रहरीले जनाएको छ ।
प्रहरीका अनुसार विद्युत सर्ट भएर आगलागी हुँदा सारथी अस्पताल, भण्डारी सुज सेन्टरलगायतका पसलमा क्षति पुगेको छ ।
स्थानीय दलबहादुर भण्डारीले सञ्चालन गरेको सुज सेन्टरमा एक्कासी विद्युत सर्ट भएर आगलागी भएको हुँदा धनगढी, गोदावरी र पुनर्वास नगरपालिकाका चार वटा दमकल, सहयोगमा आगो नियन्त्रणमा लिइएको बताए ।
![](https://sadarline.com/wp-content/uploads/2023/06/355735841_163168713323414_6806641009584846467_n.jpg)
![](https://sadarline.com/wp-content/uploads/2023/10/Ntc-add-1-.jpg)
आगो नियन्त्रणका लागि नेपाली सेना, नेपाल प्रहरी र सशस्त्र प्रहरी बलको टोलीसमेत परिचालन गरिएको थियो । आगलागीबाट सारथी अस्पताल र भण्डारी सुज सेन्टरसँग जोडिएका अन्य ८ वटा पसलमा समेत क्षति भएको छ । क्षतिको यकिन विवरण प्राप्त नभएको प्रहरीले जनाएको छ ।
भण्डारी पसलसंगै जोडिएका अन्य ७ पसलमा पनि आगलागी भएको छ । आगलागीबाट सारथी अस्पतालमा पनि क्षति भएको छ ।