नेपालगञ्ज : अत्याधिक चिसो बढेपछि बर्दियाका अधिकाशं स्थानीय तहले बिहीवारदेखि विद्यालय बन्द गरेका छन् । केहिदिनदेखि तराई मधेशका जिल्लाहरुमा दिउँसोसमेत बाँक्लो हुस्सु र शीतलहर चल्न थालेपछि बर्दियाका विद्यालय आइतवारसम्मका लागि बन्द गरिएको हो ।
ह्वात्तै चिसो बढेपछि बारबर्दिया नगरपालिका शिक्षा युवा तथा खेलकुद शाखाका प्रमुख टिकानाथ गोसाइले बिहीवारदेखि विद्यालय बन्द गर्ने निर्णय गरिएको जानकारी दिए ।
यस्तै गुलरिया नगरपालिकाका शिक्षा युवा तथा खेलकुद शाखाका शाखा अधिकृत सतिश यादवले पनि आगामी पुष २५ गते सम्मका लागि गुलरियाका सबै विद्यालय बन्द गरिएको जानकारी दिए ।
बर्दियाको मधुवन नगरपालिका, बारबर्दिया नगरपालिकाले पनि आगामी पुष २५ गते सम्मका लागी विद्यालय बन्द गरिएको बताएको छ । चिसोलाई मध्यनजर गरि बन्द गरिएका विद्यालयलाई अन्य विदाबाट मिलान गर्ने गरी विद्यालय बन्द गरिएको हो ।
