नेपालगञ्ज : बाँकेको खजुरा गाउँपालिका–४ ईगाउँ २४ नम्बरका ईश्वर बुढाक्षेत्री उमेरले ८० वर्ष पूरा भए । सोही ठाउँका अर्पण खत्री १५ वर्षको भए । यस वर्षको तिहारमा ८० वर्षीय हजुरबुबा र पनाती नाता पर्ने अर्पणसहितको समुह मिलेर देउसी भैलो खेलिरहेको छ ।
कर्णाली प्रदेशका जिल्लामा प्रख्यात लहरे, सिङ्गारु, कुरकुटे, मयुर नाच नाति पुस्तालाई सिकाएर हस्तान्तरण गर्ने उद्देश्यले ८० वर्षका बुढाक्षेत्री देउसी भैलोमा सक्रिय भएर लागेका छन् । उनी भन्छन्, पुर्खाको चिनोको रूपमा रहेको संस्कृति नयाँपुस्तालाई सिकाएर मर्न पाए हुन्थ्यो भन्ने छ ।
बाजे, बुवाहरुबाट परम्परागत कला र संस्कृति सिक्न पाएकोमा किशोर किशोरी पनि उत्साहित छन् ।
