नेपालगञ्ज : नेपाल प्रेस युनियन बाँके शाखाको १२ औं जिल्ला अधिबेशन शनिवार नेपालगञ्जमा शुरु भएको छ ।
नेपालगञ्जस्थित जिल्ला समन्वय समितिको हलमा शुरु भएको अधिबेशनलाई नेपाली कांग्रेसका सहमहामन्त्री किशोरसिंह राठौरले उदघाटन गरेका छन् ।
युनियनका केन्द्रीय अध्यक्ष शिव लम्सालको विशेष उपस्थितीमा शुरु भएको उदघाटन सत्रमा विभिन्न वक्ताहरुको धारणा राख्ने क्रम जारी छ ।
अधिबेशनलाई बिशेष चासोका साथ हेरिएको छ । अधिबेशनबाट एक जना अध्यक्ष चयन हुने छन् । प्रियास्मृति ढकाल र चेतकान्त भट्टराई बीच अध्यक्षमा प्रतिस्पर्धा हुँदैछ ।
अधिबेशनका लागि उपाध्यक्षमा कमल खत्री, सचिवमा भीष्म लोध, कोषाध्यक्षमा खडक खत्रीको नाम चर्चामा छ भने भट्टराई समूह तर्फबाट बर्तमान सचिवमा बिजय मल्ल र कोषाध्यक्षमा मधु पौडेल उम्मेदवार बन्ने चर्चा छ ।
त्यस्तै ढकाल समुहबाट सदस्यका उम्मेदवारहरुको अन्तिम नामको टुंगो लागिसकेको सचिव पदका उम्मेदवार लोधले बताए ।
