दाङ : दाङमा सुतिरहेको अवस्थामा प्रधानाध्यापकको मृत्यु भएको छ ।
बबई गाउँपालिका वडा नम्बर ७ चरकमटियामा रहेको सरस्वती माध्यामिक विद्यालयका प्रधानाध्यापक ३७ बर्षीय ललित केसी मृत अवस्थामा फेला परेको जिल्ला प्रहरी कार्यालय दाङका डिएसपी राजन कुमार गौतमले जानकारी दिए ।
रोल्पाको गंगादेब गाउँपालिका १ घर भइ हाल बबई गाउँपालिका ७ मा डेरा गरि बस्दै आएका प्रधानध्यापक केसी बिहान सुतिरहेको कोठामा मृत अबस्थामा फेला परेको प्रहरीले जनाएको छ । उनी सुगर र प्रेसरको बिरामी थिए । प्रेसरका कारण उनको मृत्यु भएको हुनसक्ने प्रहरीको भनाइ छ ।
प्रधानाध्यापक केसी २०७२ सालदेखि सरस्वती माध्यामिक विद्यालयमा अध्यापन गराउँदै आएका थिए । उनो शव राप्ती प्रादेशिक अस्पताल तुलसीपुरमा पोष्ट मार्टम भएपछि आफन्तीको जिम्मा लगाइएको प्रहरीले जनाएको छ ।
