नेपालगञ्ज : कोहलपुर नगरपालिका वडा नम्बर ५ स्थित शान्तिटोल नजिक एक जना झुण्डिएको अवस्थामा फेला परेका छन् ।
अन्दाजी ३६ वर्षीय मनिष शाही आफ्नै घरमा झुण्डिएको अवस्थामा फेला परेका हुन् । केही दिनअघि मात्र भारतबाट आएका उनी घरमा कोहि नभएको अवस्थामा झुण्डिएको हुनसक्ने प्रहरिले जनाएको छ ।
उनी एक्लै घरमा बस्दै आएको स्थानीयले बताएका छन् । उनका बच्चाहरु मामाघरमा बस्दै आएको र उनी केही दिनदेखि एक्लै बस्दै आएको हुनाले यो घटना कहिले भयो भन्ने थाहा नभएको स्थानीयहरुले बताए ।
शवको प्रकृति हेर्दा करिब केही दिनअघि झुण्डिएको हुन सक्ने अनुमान गरिए पनि पोस्टमार्टम रिपोर्ट आएपछि मात्र प्रष्ट हुने प्रहरीले बताएको छ ।
