नेपालगञ्ज : केही महिनादेखिको खडेरी र गर्मीले तराईको जनजीवन निकै कष्टकर बन्दै गएको छ । अझ पानीको स्रोत सुक्दै गएपछि बाँकेको कोहलपुर र नेपालगन्ज क्षेत्रका अधिकाँश घरहरुमा हाते नलबाट पानी आउन छोडेको छ ।
खानेपानीको पहुँच नपुगेको क्षेत्रमा हाते नलको पानी सुकेपछि यस क्षेत्रका मानिसकी दैनिकी कष्टकर बन्दै गएको छ । नेपालगञ्ज उपमहानगरपालिका मा ४ महिनादेखि हाते नलमा पानी सुकेको बताउँछिन् स्थानिय लक्ष्मी केसी ।
४ महिनादेखि हाते नलबाट पानी आउनै छाडेपछि पिउन र कपडा सफाई गर्न लगायत अन्य घरायसी कामको लागि निकै समस्या भएको छ ।
पानीको समस्या समाधानको लागि कसैले पनि चासो नदिएकोमा स्थानिय चिन्तित छन् । दैनिक आवश्यक पर्ने पानीको व्यवस्थापनमा स्थानीय तह र सरोकारवाला निकायले समेत ध्यान नदिदा यहाँका बासिन्दा समस्यामा परेको बताउछिन् स्थानिय सायरा बानो । यस क्षेत्रको सबै ठाउँमा खानेपानीको पहुँच नपुगेकोले पनि पानीको समस्या भएको बताउँछन् स्थानीय ।
![](https://sadarline.com/wp-content/uploads/2023/06/355735841_163168713323414_6806641009584846467_n.jpg)
![](https://sadarline.com/wp-content/uploads/2023/10/Ntc-add-1-.jpg)
हाते नलमा पानी नआएर निकओ समस्या भएकोले नेपालगन्ज उपमहानगरपालिकामा गुनासो लिएर जाँदा पनि गुनासोको सुनुवाइ नभएको स्थानियको दुःखेसो छ ।
चर्को गर्मिकै कारण बाँकेको कोहलपुर नेपालगञ्ज, खजुरा, बैजनाथ, नरैनापुर, राप्तिसोनारी लगायतका पालिकाहरुमा समेत हाते नलको पानी सुक्दै गएको त्यस क्षेत्रका स्थानियले जनाएका छन् ।
बर्षेनी हाते नलमा पानी सुक्दै जाने समस्या बढ्दै जाने हो भने स्थानिय सरकार र सम्बन्धित निकायले दीर्घकालीन रुपमा समस्या समाधानको पहल गर्न जरुरी देखिन्छ ।