नेपालगञ्ज : नेपालगञ्जमा सञ्चालित एक महिने निशुःल्क कुक तालिम सम्पन्न भएको छ । वैशाख १० गतेदेखि जेठ ९ गतेसम्म तालिम सञ्चालन भएको हो ।
नेपालगञ्ज उपमहानगरपालिकाको सहयोगमा नेशनल मानस विकास ट्रेनिङ इन्स्टिच्युटले प्रदान गरेको तालिममा २३ जना सहभागी थिए । तालिमका प्रशिक्षार्थीहरुलाई मंगलवार प्रमाणपत्र वितरण गरिएको छ । नेपालगञ्ज उपमहानगरपालिकाका सामाजिक विकास अधिकृत कृष्णप्रसाद जोशी र प्रेस सल्लाहकार नवीन गिरीले प्रमाणपत्र वितरण गरेका थिए ।
प्रमाणपत्र वितरण कार्यक्रममा बोल्दै सामाजिक विकास अधिकृत जोशीले सिकेको सीप व्यवहारमा उतार्न आग्रह गरे । कार्यक्रममा नेशनल मानस विकास ट्रेनिङका निर्देशक राकेश रोशन धमाल, प्रशिक्षार्थी श्यामा यादवले पनि मन्तव्य ब्यक्त गरेका थिए ।
