नेपालगञ्ज : अस्पतालहरुमा उपचारको लागि रगत अभाव हुन नदिने उद्देश्यले अन्तराष्ट्रिय नर्सिङ दिवसको अवसरमा बाँकेका स्वास्थ्यकर्मीहरुको पहलमा नेपाल रेडक्रस सोसाइटी नेपालगञ्जमा रक्तदान कार्यक्रम गरिएको छ ।
नर्सिङ सङ्घ बाँकेको आयोजनमा भएको सो रक्तदानमा भेरी अस्पतालका निमित्त मेसु डाक्टर राजन पाण्डे, अस्पतालका नर्सिङ प्रशासक दुर्गालक्ष्मी क्षेष्ठ, नर्स झरना केसिलगायत दर्जन बढि स्वास्थ्यकर्मिको सहभागिता थियो ।
![](https://sadarline.com/wp-content/uploads/2023/06/355735841_163168713323414_6806641009584846467_n.jpg)
![](https://sadarline.com/wp-content/uploads/2023/10/Ntc-add-1-.jpg)
नर्सिङ दिवसमा डाक्टर पाण्डे पहिलो रक्तदाता बनेका थिए । नर्सिङ प्रशासक क्षेष्ठले सहजिकरण गरेको कार्यक्रमका सहभागि स्वास्थ्यकर्मी रक्तदान नै जीवनदान भएकोले आमनागरिकले रक्तदान गर्नपर्ने बताउँछन ।
बढ्दो गर्मीसंगै अस्पतालमा उपचारको लागि आउने विरामीलाई उपचारमा आवश्यक पर्ने रगत अभाव रहेको वेला सगठनात्मक रुपमा गरीएको यो कामले ठूलो पुण्य हुने देखिएको छ ।