नेपालगञ्ज : दाङको घोराहीमा बसले ठक्कर दिदा मोटरसाइकल चालकको मृत्यु भएको छ ।
घोराहीको आर्मी ब्यारेक नजिकै रा १ ख १२०१ नम्बरको बसले रा ३ प ४२ नम्बरको मोटरसाइकललाई ठक्कर रोल्पाको रुन्टीगढी गाउँपालिका–३ का २१ वर्षीय चन्द्रबहादुर नेपालीको मृत्यु भएको जिल्ला प्रहरी कार्यालय दाङले जनाएको छ ।
दुर्घटनामा परि गम्भीर घाइते भएका नेपालीलाई उपचारका लागि राप्ती स्वास्थ्य विज्ञान प्रतिष्ठान घोराही लगिएकोमा उपचारकै क्रममा मृत्यु भएको प्रहरीले जानकारी दिएको छ ।
ठक्कर दिने बस र बस चालकलाई नियन्त्रणमा लिएर अनुसन्धान भइरहेको दाङ प्रहरीले जानकारी दिएको छ ।
