नेपालगञ्ज : सामूहिक बलात्कारको आरोपमा दाङमा प्रहरीले दुई जना पक्राउ गरेको छ ।
घोराहीमा एक महिलामाथि सामूहिक बलात्कार गरेको आरोपमा घोराही उपमहानगरपालिका १७ का ३० वर्षीय निर्मल चौधरी र २३ वर्षीय मनोज चौधरीलाई पक्राउ गरेको दाङ प्रहरी प्रमुख प्रहरी उपरीक्षक वीरबहादुर वलीले जानकारी दिएका छन् ।
शुक्रबार राति साढे १ बजे घोराही उपमहानगरपालिका १७ स्थित बेलभारमा बास मागेर श्रीमान आगनमा सुतिरहेको अवस्थामा कुटपिट गरी महिलालाई सामूहिक बलात्कार गरेको शनिबार दिएको जाहेरीका आधारमा उनीहरुलाई पक्राउ गरिएको प्रहरी उपरीक्षक वलीले बताए ।
पक्राउ परेका दुवै जनाको म्याद थप गरी आवश्यक अनुसन्धान सुरु गरेको प्रहरी उपरीक्षक वलीले जानकारी दिएका छन् ।
