नेपालगञ्ज : कर्तव्य ज्यान मुद्दामा फरार दुई जनालाई बाँके प्रहरीले पक्राउ गरेको छ । नेपालगञ्ज उपमहानगरपालिका वडा नम्बर १७ बस्ने ५९ वर्षीय भगवान दिन पासी र सोही ठाउँ बस्ने ७१ वर्षीय खेलावन पासीलाई प्रहरीले पक्राउ गरेको हो ।
कर्तव्य ज्यान मुद्दामा १० बर्ष कैद सजाय तोकिएका भगवान दिन र ७ वर्ष ६ महिना कैद सजाय तोकिएका खेलावन हालसम्म फरार रहेका थिए । पक्राउ परेका दुबै जनालाई बाँके जिल्ला अदालतमा बुझाईएको प्रहरीले जनाएको छ ।
