नेपालगञ्ज : नेपालगञ्जको गणेशपुरमा एक समुहले धारिलो हतियार प्रहार गर्दा ३ जना घाइते भएका छन् । उक्त समुहले खुँडा र खुकुरी प्रहार गर्दा नेपालगञ्ज उपमहानगरपालिका वडा नम्बर १२ निवासी अनुराग शाह, सोही ठाउँ निवासी उज्वल शाह र वडा नम्बर ४ का सुगम शाह घाइते भएका हुन् ।
नेपालगञ्ज ४ गणेशपुरस्थित आफन्तको घरमा पुगेका बेला उक्त समुहले आइतबार दिउँसो १ बजेतिर आक्रमण गरेको प्रत्यक्षदर्शीले बताए । घाइते तीनै जनाको नेपालगन्ज मेडिकल कलेज शिक्षण अस्पताल नेपालगन्जमा उपचार भईरहेको छ ।
![](https://sadarline.com/wp-content/uploads/2023/06/355735841_163168713323414_6806641009584846467_n.jpg)
![](https://sadarline.com/wp-content/uploads/2023/10/Ntc-add-1-.jpg)
आक्रमण गर्ने समुहको खोजी कार्य चलिरहेको जिल्ला प्रहरी कार्यालय बाँकेले जनाएको छ । आक्रमण गर्ने क्रममा उनीहरू ६ जनाको संख्यामा आएको र भारतीय नम्बर प्लेटको गाडी छाडेर भागेको प्रहरीले जनाएको छ ।