दाङ : नेपाली कांग्रेस लुम्बिनी प्रदेश संसदिय दलको नेता चयन गर्न निर्वाचन कार्यतालिका सार्वजनिक गरिएको छ । सकेसम्म सर्वसम्बतको प्रयास थालिए पनि आकांक्षिहरुले नमाने पछि निर्वाचन प्रकृया सुरु गरिएको नेपाली काँग्रेस स्रोतले जनाएको छ ।
सार्वजनिक गरिएको निर्वाचन कार्यतालिका अन्तरगत आज बिहान ८ बजेदेखि ९ बजेको समय मनोनयन दर्ताको लागि समय दिइएको छ । सहमतिमा दलको नेता चयन गर्ने प्रयास भइरहेको प्रदेश सभा सदस्य तथा नेपाली कांग्रेस लुम्बिनी प्रदेश समितिका प्रवक्ता प्रचण्ड विक्रम न्यौपानेले जानकारी दिए ।
संदिय दलको नेतामा कांग्रेस नेता डिल्लीबहादुर चौधरी र अब्दुल रज्जाक आकांक्षि छन । दुई जना मध्य एक जनाको नाम सहमतिमा टुंगो लगाउने प्रयास भइरहेको बताइएको छ । नेपाली कांग्रेस लुम्बिनी प्रदेशमा दोस्रो ठूलो दल छ । उसका २७ जना प्रदेश सभा सदस्य छन ।
