नेपालगञ्ज : कर्णाली प्रदेशको सुन्दर जिल्ला दैलेखबाट बाँकेमा आएर बसोबास गर्ने दैलेखीहरुको हकहित र अधिकारका लागि मानविय कार्यमा समर्पित दैलेखी समाज बाँकेले पुस २ गते कोहलपुरको गाभरमा बनभोज (पिकनिकको) आयोजना गरेको छ ।
बाँके बर्दियामा बसोबास गर्दै आएका आम दैलेखीहरु बिच भाईचाराको सम्बन्ध कायम गरी यस संस्थालाई संस्थागत रुपमा अघि बढाउन र विविध बिषयमा छलफल गर्दै आगामी अधिवेशन तयारीका बिषयमा रणनीति बनाउन पिकनिकको आयोजना गरिएको समाजका अध्यक्ष इश्वर श्रेष्ठले जानकारी दिए ।
![](https://sadarline.com/wp-content/uploads/2023/06/355735841_163168713323414_6806641009584846467_n.jpg)
![](https://sadarline.com/wp-content/uploads/2023/10/Ntc-add-1-.jpg)
विगत लामो समयदेखि नागरिक अधिकारसँगै दैलेखीको हकहितमा काम गर्दै आएको यस सामाजिक संस्थाले आगामी दिनमा पनि नीति, योजना र निमार्ण गरी विविध कार्यक्रम अघि बढाउने लक्ष्य लिएको छ । पुस २ गते हुने सो पिकनिकमा सम्पूर्ण दैलेखी मनहरुलाई सहभागिताका लागि आग्रह गरिएको छ । जसका लागि बाँकेको नेपालगञ्ज र कोहलपुरबाट बसको व्यवस्था गरिएको समाजका सचिव डिबी थापाले बताए ।
यसअघि पनि समाजले हरितालिका तीजमा दिदिबहीनीलाई दर खुवाउने कार्यक्रमसँगै हरेक बर्ष पिकनिक लैजाने लगायतका कार्यक्रम गर्दै आएको छ । पुस २ गते गरिने उक्त कार्यक्रमको तयारी अन्तिम चरणमा पुगिसेको नागरिक अगुवा तथा समाजका सल्लाहकार मीनबहादुर मल्लले बताउँछन । उनकाअनुसार समाजको उत्तः कार्यक्रममा बाँकेमा बसोबास गर्ने सम्पूर्ण दैलेखीमनहरुलाई अनिवार्य सहभािगताकालागि अनुरोध गरिएको छ ।
कार्यक्रमलाई भव्य तथा सभ्य रुपमा सफल बनाउन आम दैलेखीमा सुचना तथा प्रचार प्रसारलाई तीब्र पारिएको समाजका अगुवा तथा सन्चारकर्मी कमल न्यौपाने बताउँछन ।