नेपालगञ्ज : नेपालगञ्ज मेडिकल कालेजमा शनिबारदेखि उपचाररत नरैनापुर गाउँपालिका अध्यक्ष इस्तियाक अहमद शाहलाई थप उपचारका लागि आइतवार भारतको लखनाऊ लगिएको छ ।
अध्यक्ष इस्तियाक अहमद शाहलाई इन्फ्लुएन्जा संक्रमण पुष्टि भएपछि थप उपचारका लखनऊ रिफर गरिएको मेडिकल कलेज नेपालगञ्जका फिजिसियन डा. आसिम किदवाईले बताए ।
डाक्टर किदवाईका अनुसार छाती दुःखाई ज्वरो र खोकीको समस्या देखिएपछि अस्पतालमा भर्ना गरी उपचार शुरु गरेको बताउँदै उनले भने–’खोकी र ज्वरो कम नभएपछि इन्फ्लुएन्जाको आशंकामा स्वाब परीक्षण गरेपछि इन्फ्लुएन्जा पोजेटिभ देखिएको हो ।’
इन्फ्लुएन्जा देखिए पनि कुन प्रकारको इन्फ्लुएन्जा हो त्यसको परीक्षण गर्ने किट नभएकोले रिफर गर्नुपरेको डाक्टर केदवाइले बताए । अध्यक्ष शाहलाई फिजिसियन डा. किदवाई नेतृत्वको टोलीले उपचार गरेको थियो ।
