नेपालगञ्ज : इस्लाम धर्मका प्रवक्ता एवम् अल्लाहका अन्तिम दूत हजरत मुहम्मद सल्लल्लाहु अलैही वसल्लमको शुभ जन्मोत्सवको अवसर निकालिएको जुलुसका दौरान करेन्ट लागेर चार जनाको मृत्यु भएको छ ।
छिमेकी मुलुक भारतको बहराइच जिल्लाको कोतवाली नानपारा क्षेत्रअन्तर्गत मासूपुर गाउँमा आइतवार निकालिएको जुलुसको दौरान करेन्ट लागेर ४ जनाको मृत्यु भएको हो ।
आइतबार बिहान निकालिएको जुलुसमा झन्डाको पाइप विद्युत लाईनको ११ हजार भोल्टको तारमा लाग्दा सो घटना भएको हो । घटनामा तीन बालकसहित चार जनाको घटनास्थलमै मृत्यु भएको छ भने २ जना गम्भीर घाइते भएको बताइएको छ ।
घाइते दुबै जनालाई उपचारका लागि बहराईच मेडिकल कालेज रिफर गरिएको छ ।
