सुर्खेत : सुर्खेतमा तीजको नाच हेर्ने क्रममा झडप हुँदा एक जनाको मृत्यु भएको छ ।
सुर्खेतको वीरेन्द्रनगर नगरपालिका–१० पठानटोलमा झडप भएको जिल्ला प्रहरी कार्यालय सुर्खेतले जनाएको छ । झडपमा ढुंगा प्रहारबाट मंगलवार राती २० वर्षीय रोशन जीसीको मृत्यु भएको हो ।
प्रहरीका अनुसार, कुटपिटबाट घाइते भएका जिसीलाई अस्पताल लैजादै गर्दा बाटोमै मृत्यु भएको हो । घटनामा संलग्न चार जनालाई प्रहरीले पक्राउ गरेको छ ।
त्यस्तै घटनास्थलबाट अस्पताल लैजाने ट्याक्सी ड्राइभरलाई पनि नियन्त्रणमा लिएर प्रहरीले सोधपुछ गरिरहेको छ ।
