दाङ : दाङको घोराही उपमहानरपालिका – १२ गुरउ गाउँमा चट्याङ लागेर मृत्यु भएको दुई जनाको परिचय खुलेको छ । मंगलवार राती ११ बजे चट्याङ लागेर सोही ठाउँकी १६ वर्षीया दिपा घर्ती र १९ वर्षीया मोनिसा साहको मृत्यु जिल्ला प्रहरी कार्यालय दाङले जनाएको छ ।
त्यस्तै दुइ जना गम्भीर घाइते भएका छन् भने अन्य ११ जना सामान्य घाइते भएको जिल्ला प्रहरी कार्यालय दाङका डिएसपी राजनकुमार गौतमले जानकारी दिए ।
तिजको बेला महिलाहरु साल डाडामा भेला भएर नाच्नेक्रममा चट्याङ लागेको थियो । घटनाबारे थप अनुसन्धान भइरहेको छ ।
