नेपालगञ्ज : बाँके प्रहरीले अबैध ब्राउनसुगर सहित एकजनालाई नियन्त्रणमा लिएर अनुसन्धान सुरु गरेको छ ।
लागुऔषध ब्युरो नेपालगञ्जका प्रहरी बरिष्ठ नायब निरिक्षक रमेश शाहीको कमाण्डमा खटिएको टोलिले मंगलबार साँझ ६:३० बजेकाे समयमा बाँके डुडुवा-६ बस्ने बर्ष २८ काे उदय राज मौरीयालाई बिशेष सुराकीले दिएको सुचनाको आधारमा नियन्त्रणमा लिएर अनुसन्धान सुरु गरेकोे हाे ।
प्रहरीको टाेलिले मौरीयालाई नेपालगञ्ज -१४ फनपार्क नजिक भारतीय नम्बर को UP 40 AF 5357 नं. को मोटरसाईकल रोकी राखेको अवस्थामा फेलापारी निज र निजकाे माेटरसाईकल समेत खान तलासी गर्दा उनलेे लगाएकाे पाईन्टको बाँया खल्ती भित्र लुकाई राखेको अवस्थामा लागूओषध खैराे हेराेईन ५२ ग्राम फेला पारी आवश्यक कारवाहीको लागि जिल्ला प्रहरी कार्यालय बाँकेमा बुझाएको जनाईएकाे छ ।
