नेपालगञ्ज : नेपालगञ्ज–१९ बसुदेवपुरमा रहेको सामुदायिक विद्यालय जगत ज्योति माध्यामिक विद्यालयको चार कोठे भवनको ढलानको पूजा गरी छत ढलान सुरु गरिएको छ ।
सो वडाका वडा अध्यक्ष परशुराम बर्माले विद्यालयको चारकोठे भवनको पहिलो छतको ढलानको पूजागरी ढलान सुरु गरेका हुन । कक्षा १० सम्म सञ्चालनमा रहेको सो विद्यालयमा विद्यार्थी चाप अनुसार कक्षा कोठाको अभाव भएको बेलामा शिक्षा विभागबाट प्राप्त चारकोठे भवन निर्माण सुरु गरिएको विद्यालयका प्रअ ईश्वर पौडेलले जानकारी दिए ।
शिक्षा विभागका महानिर्देशक चुडामणी पौडेलको सिफारिसमा विद्यालयलाई सो चारकोठे भवन परेको उनले जानकारी दिए । दुईकोठा तल र दुईकोठा माथी निर्माण गरीने गरी डिजाईन गरिएको छ ।
विद्यालयका प्रअ ईश्वर पौडेलले विद्यालयमा आफु हाजिर हुन आउनु अघि विद्यार्थी संख्या अत्यन्त न्यून भएको र आफु आएपछि १ सय ६२ जना विद्यार्थी विभिन्न कक्षामा भर्ना भएकोले कक्षा कोठा अपुग संगै फर्निचरको पनि अपुग रहेको गुनासो गरे । उनले चारकोठे भवन निर्माण भएसंगै केही राहत हुने बताए ।
