नेपालगञ्ज : लोकप्रिय गायक तुलसी सिवाकोटीको ‘प्रेमको निशानी’ बोलको गीत सार्वजनिक भएको छ । उनले आफ्नै युट्युब च्यानल मार्फत गीत सार्वजनिक गरेका हुन् । गीतको भिडियोमा पनि गायक सिवाकोटी आफैले अभिनय गरेका छन् ।
हरि उप्रेतीको शब्द रहेको गीतमा कल्याण सिंहको संगीत रहेको छ । जर्मनमा बसोबास गर्दे आएका गायक सिवाकोटीले यूरोपको विभिन्न देशमा आफ्नो प्रस्तुति दिइसकेका छन् ।
उनले ‘तिम्रो मेरो प्रेम कहानी,’ ‘म त मान्छे सिधा साधा,’ ‘प्यारी छोरी न बचाउन सके,’ ‘हे माया’ जस्ता थुप्रै गीतमा स्वर दिएका छन् । बिबेक लामा तामाङले छायांकन तथा निर्देशन गरेको म्युजिक भिडियोमा गायक तुलसी र रन्जितालाई फिचर्ड गरिएको छ ।
