नेपालगञ्ज : बझाङको सेती नदीमा हाम फालेर एक जना बेपत्ता भएका छन् । मष्टा गाउँपालिका–१ रनाडा घर भएका करिब ४५ वर्षीय केशवबहादुर सिंह नदीमा हाम फालेर बेपत्ता भएको प्रहरीले जनाएको छ ।
उनले बिहीबार बिहान जयपृथ्वी नगरपालिका–१० चैनपुर बजार नजिकै सिमभाडी भन्ने ठाउँबाट हामफालेको जिल्ला प्रहरी कार्यालय बझाङले जनाएको छ । सिंहको प्रहरी र सशस्त्रको टोलीले खोजतलास जारी राखेको प्रहरीले जनाएको छ ।
