धुमधामका साथ ‘ईद–उल–फित्र’ ईद मनाईदै

सदरलाइन संवाददाता २० बैशाख २०७९, मंगलवार १३:१६
 

 

नेपालगञ्ज : नेपाली ईस्लाम धर्मावलम्बीहरुको सबैभन्दा ठूलो पर्व ‘ईद–उल–फित्र’ ईद नेपालगञ्जको ईदगाहस्थित मस्जिदमा सामुहिक नमाज पढेर ईद मनाउन सुरु गरेका छन् ।

पवित्र महिना रमजानको एक महिनाको लामो कठोर उपबास (रोजा) पछि नेपालगञ्जको ईदगाह मस्जिदमा मंगलबार विहान ८ बजे ‘ईद–उल–फित्र’ ईदको सामुहिक नमाज पढिएको हो ।

ईस्लामीक धार्मिक पात्रो हिजिरीका अनुसार २९ रोजाको दिन साँझ चन्द्रमा हेरेर अर्कोदिन ईद मनाईने परम्परा भएको मुस्लिम धर्मगुरु तथा सामाजिक सद्भाव तथा अन्तर धार्मिक क्षेत्रीय समितिका सह संयोजक मौलाना अब्दुल जब्बार मञ्जरीले जानकारी दिए ।

अरबी पात्रो अनुसार रमजान नवौं महिना हो । आत्मसंयम र शुद्धिका लागि नवौं महिनामा एक महिना भरी रोजा बसी दशौं महिनाको पहिलो दिन ईद मनाउने चलन रहेको छ । रमजान सकिएको खुशियालीमा ईदगाहमा जम्मा भएर सामुहिक रुपमा प्रार्थना गरी एक आपसमा शुभकामना साटा साट गर्ने चलन रहेको उनको भनाई छ ।

धार्मिक चलन अनुसार सफा नयाँ कपडामा नमाज पढेर शुभकामना साटासाट गरी घरमा रहेको मिठा पक्वान खासगरी सेवाई, जर्दा पुलाउ, दही बडा, फलफुल जस्ता मिठ्ठा परिकार आफु खाने अरुलाई खुवाउने चलन रहेको छ ।

नेपालगञ्जको ईदगाहमा नमाजीहरुसंग स्थानीय निर्वाचनमा बिभिन्न राजनीतिक दलका उम्मेदवारहरु मतमाग्नका लागि पार्टीगत स्टल समेत स्थापना गरेका थिए ।

Leave a Reply

Your email address will not be published.

Next Post

अपाङ्गमैत्री मतदान केन्द्र नहुँदा अपाङ्गता भएका मतदातालाई मतदान गर्न असहज

२० बैशाख २०७९, मंगलवार १३:१६
नेपालगञ्ज :कोहलपुरका ४० वर्षिय जगत डिसीलाई आउदो स्थानीय तहको निर्वाचनमा आफु र आफुजस्तै अशक्त व्यक्तिहरुले सजिलै मतदान गर्ने वातावरण कसले बनाईदेला भन्ने पीर छ । गएको स्थानीय चुनावमा आफ्नो मताधिकार प्रयोग गर्न उनलाई निक्कै सकस परेको थियो । ‘न अपाङ्गमैत्री संरचना छन् नत राज्य नै यस विषयमा गम्भीर छ । […]

सम्बन्धित