सिण्डीकेटका पक्षमा यातायात व्यवसायीको बन्दले जनतालाई मार

२१ बैशाख २०७५, शुक्रबार ११:५८
 

सदरलाइनडटकम
२१ बैशाख, नेपालगन्ज : सिण्डिकेटवाला यातायात व्यवसायीहरुले थालेको यातायात बन्दको आन्दोलनको प्रभाव बुधबार बिहान बाँके लगायत देशैभरि देखिएको छ । शुक्रबार बिहान बाँके लगायत देशका विभिन्न शहरमा भाडाका सवारी साधनहरु न्यूनमात्रामा देखिएका छन् । केही शहरमा भने सडक सुनसानजस्तै देखिएको छ ।
बिहानै भाडाका सवारी साधनहरु नचले पनि निजी सवारी साधन र भाडाका ट्याक्सीहरु चलिरहेका छन् । नेपालगन्जस्थित बसपार्क पार्किङ क्षेत्रमा गाडीहरु थन्काइएको छ । टिकट काउन्टर बन्द छन् । गन्तव्यमा प्रस्थान गर्नुअघि बस राखिने ट्राकहरु सुनसान छन् । गाडी नपाएर यात्रुहरु अलपत्र परेका छन् ।
सडकहरु र बसपार्कसमेत सुनसान देखिएका छन् । यातायात व्यवसायीको हड्तालको प्रभाव प्रदेश नंं ५ का जिल्लाहरुमा पनि परेको छ ।

प्रदेश ५ को अस्थायी राजधानी बुटवलस्थित लुम्बिनी बस टर्मिटनलबाट प्रदेश ५ का १२ वटै जिल्लामा सवारी साधन छुट्ने गरेकामा हड्तालका कारण यातायात व्यवसायीका संघरसमितिहरुले बसरजीप चलाएका छैनन् । सधैं व्यस्त र भरिभराउ हुने बुटवल बसपार्क सुनसान छ । टिकट काउन्टर पनि बन्द छ । बसपार्कमा यात्रुहरु अलपत्र छन् ।
बस व्यवसायीले सेवा ठप्प पारेर हड्तालमा उत्रेपछि हड्तालबारे पूर्वजानकारी नपाएका यात्रुहरु बसपार्कमै अलपत्र परेका छन् । बसबाट स्कूल कलेज जाने विद्यार्थीहरु पनि हड्तालले समस्यामा परेका छन् । कक्षा १२ को परीक्षार्थीहरु बढी प्रभावित छन् ।
नेपाल यातायात व्यवसायी राष्ट्रिय महासंघको अगुवाईमा भएको हड्ताललाई नेपाल ट्रक यातायात व्यबसायी महासंघ, नेपाल पेट्रोलियम ढुवानी व्यबसायी महासंघ, ढुवानी व्यबसायी महासंघ नेपाल र नेपाल पेट्रोलियम डिलर राष्ट्रिय एशोसियशनले समेत साथ दिएका छन् । सरकारले यातायात व्यवसायीसँग घुँडा नटेक्ने बताउँदै आएको छ भने व्यवसायीहरु सरकारलाई घुँडा टेकाएरै छाड्ने बताउँदै आएका छन् । सरकार भर्सेस व्यवसायीको द्वन्द्वको मारमा जनता परेका छन् ।

Next Post

यातायात बन्द : रिक्साको ठगी धन्दा सुरु

२१ बैशाख २०७५, शुक्रबार ११:५८
सदरलाइनडटकम २१ बैशाख,नेपालगन्ज :  सिण्डीकेट पक्षधर यातायात व्यवसायीले बाँके लगायत देशभर यातायातका साधन बन्द गरेपछि अटोरिक्साचालकहरुले ठगीधन्दा सुरु गरेका छन् । स्थानीयस्तरमा ठुला सवारीसाधनहरु चल्न छाडेपछि निर्विकल्प बनेको अटोरिक्साले दोब्बर तेब्बर भाडा असुली गरेर यात्रुहरुलाई ठगी गरेका छन् । उनीहरुले यात्रुसंगहरु जर्बजस्ती पैसा असुली गरिरहेका छन् । उनीहरुले अन्य दिनभन्दा […]