नेपालगञ्ज : आगामी बैशाख ३० गते सम्पन्न हुने स्थानीय तह निर्वाचनका लागि नेपालगञ्जमा चुनावी सरगर्मी सुरु भएको छ । स्थानीय तहको निर्वाचन नजिकिदै गर्दा यसका लागि चहलपहल समेत तिब्र रुपमा बढेको हो । हरेक दलका प्रतिनिधी आ–आफ्नो पक्षमा माहोल बनाउन झन्डा र व्यानरसहित घरदैलोमा व्यस्त छन् ।
नेकपा एमाले नेपालगञ्ज उप–महानगरपालिकाले पनि घरदैलोमा सक्रियता बढाएको छ । स्थानीय तहको निर्वाचन नजिकिदै गर्दा निर्वाचनलाई लक्षित गरेर नेकपा एमाले नेपालगञ्ज उप–महानगरपालिकाले घरदैलोमा सक्रियता देखाएको हो ।
उप–महानगरपालिकाका मेयर पदका उम्मेदवार पशुपति दयाल मिश्र उपमेयर पदका उम्मेदवार शान्ति ढकाल तथा विभिन्न वडामा उम्मेदवार रहेका वडा अध्यक्ष सदस्यहरु आफ्ना पक्षमा मत माग्न घरदैलोमा व्यस्त छन् ।
बिहीवार नेपालगञ्ज उप–महानगरपालिका वडा नं ५ र ६ मा आफुलाई मत माग्न, जनताको अपेक्षा र समस्या पहिल्याउन आफुहरु जनताको घरदैलोसम्म आइृपुगेको मेयरका प्रत्यासी मिश्रले बताए । नेकपा एमालेको प्रचार प्रसार सहितको घरदैलो कार्यक्रममा मिश्रले नेपालगञ्लाई समृद्ध बनाउन र नेपालगञ्जवासीलाइ जागरुक गराउन पनि यो घरदैलो कर्यक्रम प्रभावकारी हुनेमा विश्वास व्यक्त गरे ।
उम्मेदवारबाट मतदाताले राखेको अपेक्षा के हो भनेर बुझ्नलाइ आफुहरु जनताको ढोका ढोकामा आईपुगेको उपमेयरका प्रत्यासी ढकालले बताईन् । उनले भनिन्,–‘साच्चै नेपालगञ्जमा बिकासको काम हुन सकेको छैन । नेपालगञ्जवासी अझै मर्कामै परेका छन् । नेपालगञ्जमा एमालेको सरकार बनाउन सके नेपालगञ्जवासीको सुखद् भबिष्य सुन्दर र समृद्ध नेपालगञ्जको सुरुवात गर्न सकिन्छ ।’
उनले आफुहरुलाई जनताले जिताएमा अबको ५ बर्ष निरन्तर जनताको सेवा र नेपालगञ्जका २३ वटै वडाको बिकासका निमित्त काम गर्ने प्रतिबद्वता जाहेर गरिन् । घरदैलो कार्यक्रमा नेकपा एमालेका नेता तथा कार्यकर्ताहरुको सहभागीता रहेको थियो ।
