नेपालगञ्ज : नेपालगञ्ज उप–महानगरपालिकामा नेकपा एमालेका तर्फबाट नगरप्रमुख पदका लागि पशुपतिदयाल मिश्र र उप–प्रमुखमा शान्ति ढकालले उम्मेद्वारी दिएका छन् ।
नगर प्रमुख र उप–प्रमुखपद संगसगै २३ वटै वडाका वडाअध्यक्ष र सदस्य पदका उम्मेद्वारहरुले समेत उम्मेद्वारी दर्ता गरेका छन् ।
सोमबार दिउसो पार्टी कार्यालयबाट शक्ति प्रदर्शन सहित निस्केको र्यालीले नेपालगञ्ज स्थित प्रमुख निर्वाचन अधिकृतको कार्यालयमा गई उम्मेद्वारी दर्ता गराएका हुन् ।
उम्मेद्वारी दिए लगत्तै कुरा गर्दै मिश्रले जनताले यस पटक आफुलाई निराश नबनाए आफुले पनि जनतालाई निरास नबनाउने प्रतिबद्धता जाहेर गरे ।
