नेपालगञ्ज : नेपालगञ्ज वडानं १८ वडा कार्यलयको बजेटबाट भाट्भटेनीदेखि पश्चिममा रहेको श्रीनगर टोलमा सडक कालोपत्रे गर्नका लागि शिलन्यास गरिएको छ ।
वडा अध्यक्ष दीपक बर्माद्वारा वडाको बजेट ३१ लाख ५ हजारको लागतमा २ सय १३ मीटर कालोपत्रे सडक निर्माणका लागि टोलबासीको बृहत उपस्थितिमा आईतबार एक कार्यक्रम गरि शिलान्यास गरेका हुन ।
सो टोलमा थप सडक विस्तारका लागि पनि पहल भइ रहेको वडा अध्यक्ष बर्माले जानकारी दिए । यस्तै वडा नं १८ कारकाँदौमा लगातार सडक निर्माणले प्राथमिकता पाएको छ ।
यसै आर्थिक बर्षमा ३ वटा पीच र ९ वटा पीसीसी सडक निर्माण सम्पन्न भइ सकेको २ वटा पीच र ३ वटामा पीसीसी निर्माण कार्य जारी रहेको वडा कार्यालयले जनाएको छ । बाँकी सडक निर्माणको शुरूवात केही दिन मै शुरु हुने गरी तयारी गरिएको वडा अध्यक्ष बर्माले जानकारी दिए ।
