नेपालगञ्ज : बाँके र बर्दिया राष्ट्रिय निकुञ्जमा बाघ गणना गर्नका लागि राखिएका ३३ क्यामेराहरु चोरी भएका छन् । त्यसमध्य ६ वटा क्यामेरा हात्तीले तोडफोड गरेका छन् ।
यतिखेर बर्दिया–बाँके राष्ट्रिय निकुञ्जमा बाघ चलिरहेको छ । त्यसका लागि बाँके र बर्दिया कम्प्लेक्समा चार वटा ब्लकमा बिभाजन गरी गणना भइरहेको छ ।
बर्दिया निकुञ्ज क्षेत्रलाई एक र दुई नम्बर ब्लकमा राखिएको छ भने तीन नम्बर ब्लकमा बर्दिया र बाँके निकुञ्जको केही भागलाई राखेर गणना भइरहेको छ ।
चार नम्बर ब्लक बाँके राष्ट्रिय निकुञ्ज क्षेत्र हो । एक र दुई नम्बर ब्लकमा बाघ गणनाको काम सकिएको छ । अहिले तीन नम्बर ब्लकमामा गणनाको काम जारी छ ।
राष्ट्रिय प्रकृति संरक्षण कोष बर्दियाका कार्यालय प्रमुख डा. रविन कडरियाले एक नम्बर ब्लकमा नौ वटा, दुई र तीन नम्बर ब्लकमा चारचार वटा क्यामेरा चोरी भएको बताए । ६ वटा क्यामेरामा हात्तीले तोडफोड गरेको छ ।
तीन नम्बरको गणना सकिएपछि चार नम्बर ब्लकमा गणनाको काम अगाडि बढ्ने कडरियाले बताए ।
झन्डै एउटा क्यामेराको मूल्य ४० हजार पर्छ । घाँचोरी शिकारी र मेलापात गएका स्थानीयले ती क्यामेरा चोरी गरेको आशंका गरिएको छ ।
