बुटवल : बुटवलमा रोकिएको एउटा ट्रकमा कार ठोक्किँदा तीन जनाको मृत्यु भएको छ । दुर्घटनामा दुई जना गम्भीर घाइते भएका छन् । बुटवल उपमहानगरपालिका(१२ स्थित तामनगर नजिकै रोकीराखेको ना २ ख ९७७२ नम्बरको ट्रकसँग लु ३ च ४४४२ नम्बरको कार सोमबार बिहान साढे ५ बजे ठोक्किएको थियो ।
दुर्घटनामा स्थानीय २८ वर्षका सबिन थारु, गोबिन्द चौधरी र ३० वर्षका कार चालक नबिन श्रेष्ठको मृत्यु भएको प्रहरीले जनाएको छ । सोही स्थानका २७ वर्षका अनिसा जीसी र भागिरथ चौधरीको भने बुटवलस्थित लुम्बिनी प्रादेशिक अस्पतालमा उपचार भइरहेको जिल्ला प्रहरी कार्यालय रुपन्देहीका डिएसपी नवरत्न पौडेलले जानकारी दिए ।
