नेपालगञ्ज : कोहलपुरमा मोटरसाइकल चोरीको घट्न बढ्दै गएको छ । कोहलपुरका कमलसिंह महतको मोटरसाइकल चोरी भएको छ । गएको बुधबार कोहलपुर १४ हवल्दारपुरमा रहेको नशामुक्त पुनस्र्थापना केन्द्रको गेटमा पार्किङ्ग गरेर राखिएको अवस्थामा मोटरसाईकल चोरी भएको हो ।
कमलसिंह महत नशामुक्त पुनस्र्थापना केन्द्रका कर्मचारी हुन् । मध्यान्ह १२ बजेतिर गेटमा मोटरसाइकल पार्किङ्ग गरेर राखेको अवस्थामा लु ८३ प २५४८ नम्बरको रातोकालो रङ्गको पल्सार २२० सिसिको मोटरसाइकल चोरी भएको महतले बताए ।
कोहलपुरमा यसअघि पनि मोटरसाइकल चोरीका घटना हुँदै आएका छन् । बाँके प्रहरीले मोटरसाइकल चोरी गर्नेको खोजी कार्य भइरहेको जनाएको छ ।
