हुम्ला : खाद्य व्यवस्था तथा व्यापार कम्पनी सिमकोट शाखाले ९ महिनामा १२ करोड मुल्य बराबरको खाद्यान्न बिक्री गरेको छ ।
साउन महिनादेखि हालसम्म १२ करोड४८ लाख ६ हजार ८ सय ५ रुपैया ७१ पैसा बराबर मुल्यको खाद्यान्न बिक्री गरेको खाद्य व्यवस्था तथा व्यापार कम्पनी सिमकोट शाखाले जनाएको छ ।
हुम्लामा ९ हजार ५ सय १२ दशमलभ ७५ क्वीन्टल खाद्यान्न बिक्रीवितरण गरेको खाद्य व्यवस्था तथा व्यापार कम्पनी सिमकोट शाखाका निमित्त कार्यालय प्रमुख नवीन आर्चायले जानकारी दिए । हवाई मार्गबाट ७ हजार ९ सय ८१ दशमलभ ७५ क्वीन्टल खाद्यान्न हुम्ला पुगेको हो ।
स्थलमार्गबाट नेपालगञ्ज १ हजार क्वीन्टल, सुर्खेतबाट ९ सय ७५ क्वीन्टल, राजापुरबाट १ हजार १ सय ८० क्वीन्टल, धनगढीबाट ५ सय ९० क्वीन्टल र थापाथलीबाट चीन हुदैँ ३ हजार क्वीन्टल खद्यान्न हुम्ला पुगेको निमित्त कार्यालय प्रमुख आर्चायले बताए ।
हाल सिमकोट शाखामा ५ हजार ८ सय ३.८ क्वीन्टल मौज्दात रहेको आर्चायको भनाई छ । जिल्लामा मोटो चामल बिक्री धेरै हु्न्थ्यो पछिल्लो समयमा मसिनो चामल बिक्री हुन छोडेको आर्चायले बताए ।
