नेपालगञ्ज : सशस्त्र प्रहरीमाथि बलात्कार गरेको आरोपमा रोल्पा नगरपालिका रोल्पाका प्रशासकीय अधिकृत सुशील थापा पक्राउ परेका छन् ।
बाँकेमा कार्यरत एक जना महिला सशस्त्र प्रहरीले आफूमाथि जबरजस्तिकरणी गरेको भन्दै जिल्ला प्रहरी कार्यालय बाँकेमा जाहेरी दिएपछि प्रशासकीय अधिकृत थापा पक्राउ परेको बाँकेका एसपी श्यामकृष्ण अधिकारीले जानकारी दिए ।
थापालाई रोल्पा प्रहरीले पक्राउ गरेर बाँके प्रहरीलाई बुझाएको हो । थापामाथि म्याद थप गरेर अनुसन्धान गरिरहेको एसपी अधिकारीले बताए ।
