दैलेख : दैलैखको चामुण्डा विन्द्रासैनी नगरपालिका वडा नंं ५ निवासी एक महिला पासो लगाई झुण्डिएको अवस्थामा मृत फेलापरेकी छन । २७ बर्षिया भावना देवकोटा सोमबार बिहान पासो लगाई झुण्डिएको अवस्थामा मृत फेला परेको प्रहरीले जनाएको छ ।
आईतबार राति साढे आठ बजेको समयमा घरदेखि केही तलतिर रहेको अर्को आफ्नै घरमा सुत्न जान्छु भनि निस्किएकी उनी सोमवार बिहान ६ बजे पासो लगाई झुण्डिएको अवस्थामा फेलापरेको जिल्ला प्रहरी कार्यलय दैैलेखले जानकारी दिएको छ ।
घटना बारे थप अनुसन्धानका लागि प्रहरी सहायक निरीक्षक मोहनसिंह पुजाराको कमाण्डामा ३ जनाको टोली खटिएको र ईलाका प्रहरी कार्यालय दुल्लुबाट प्रहरी निरिक्षक नेत्र बुढाको कमाण्डमा ५ जनाको टोलीले प्रारम्भिक अनुसन्धान गरि रहेको जिल्ला प्रहरी कार्यालय दैलेखले जनाएको छ ।
उनका पाँच महिनाको एउटा छोरा र छ वर्षकी एउटा छोरी गरी दुई सन्तान रहेका छन् ।
