बर्दिया : बर्दिया प्रहरीले १ लाख ८२ हजार बराबरको वेवारिसे अवस्थामा रहेको काठ बरामद गरेको छ ।
गुलरिया नगरपालिका वडा नं. ८ आशापुर स्थित वेवारिसे अवस्थामा थुपारी राखेका अन्दाजी मुल्य रू १ लाख ८२ हजार ६१ रुपैयाँ बराबरका ४५ दशमलव ५२ क्यूफिट सालको काठ बरामद गरेको हो ।
प्रहरी चौकी सुरजपुर बर्दियाबाट खटिएको प्रहरीको गस्ती टोलिले उक्त काठ बरामद गरेको जिल्ला प्रहरी कार्यालय बर्दियाका प्रवक्ता तथा प्रहरी नायव उपरीक्षक हेमबहादुर शाहीले जानकारी दिए ।
उनका अनुसार बरामद गरिएको काठलाई आबश्यक कारबाहीको लागि डिभिजन वन कार्यालय गुलरिया बर्दियामा पठाईएको छ ।
