नेपाली पत्रकारिता तथा सञ्चार उद्योगमा कोभिडको असर विषयक राष्ट्रिय गोष्ठी सम्पन्न

सदरलाइन संवाददाता १५ भाद्र २०७८, मंगलवार १८:०४
 

नेपालगञ्ज : नेपाल प्रेस इन्स्टिच्यूट काठमाण्डौंको आयोजनामा मंगलबार दूर प्रविधि मार्फत् कोभिड १९ले नेपाली पत्रकारिता तथा सञ्चार उद्योगमा पारेको असरबारे राष्ट्रियस्तरको गोष्ठी सम्पन्न भएको छ ।

दूर प्रविधि मार्फत् भएको सो गोष्ठीमा कार्यक्रमका प्रमुख अतिथि नेपाल सरकार, सञ्चार तथा सूचना प्रविधि मन्त्रालयका सचिव बैकुण्ठ अर्यालले—अन्तरक्रियामा उठेको सवाललाई नेपाल प्रेस इन्स्टिच्यूटको रिपोर्टको आधारमा सम्बोधन गरिने कुरा बताएका छन् । उनले कोभिडको बेला समाचार कम हुन थालेको र पत्रिकाहरु बन्द हुन थालेकोमा आफू चिन्तित रहेको कुरा गर्दै कोभिडको बेलामा पनि सूचना समाचार प्रसारण गरेर योगदान दिएकोमा सञ्चारकर्मीलाई सम्मान व्यक्त गरे ।

कार्यक्रममा नेपाल पत्रकार महासंघका अध्यक्ष विपुल पोख्रेलले कोभिडले सञ्चारलाई मात्रै होइन संसारलाई असर पारेको कुरा उठाउँदै कोभिड सँगसँगै पत्रकारिता गर्नुपर्ने देखिएको कुरामा जोड दिए । कोभिडको जोखिमपूर्ण अवस्थामा पनि मिडियाले आफ्नो दायित्वबाट विमुख नभई संकटको बेला सूचनाको संकट आउन नदिनको लागि सूचना प्रवाह गरेर योग्दान दिएका सञ्चार माध्यम, सञ्चार क्षेत्र र सञ्चारकर्मीलाई राज्यले छुट्टाछुट्टै सम्बोधन गर्नुपर्ने कुरामा जोड दिईन । अस्वस्थ पत्रकारले स्वस्थ पत्रकारिता गर्न त्यसैले आफू सुरक्षित रहेर पत्रकारिता गर्नको लागि अध्यक्ष पोख्रेलले पत्रकारहरुलाई सुझाव दिए ।

एनपीआईका पूर्व अध्यक्ष वरिष्ठ पत्रकार धु्रवहरी अधिकारीले समाचारको विश्वसनियतामा खडेरी आएको कुरा बताउदै आग्रह र पूर्वाग्रहको आधारमा सामाजिक सञ्जालमा आएको कुराको आधारमा समाचार आइरहेको कुरामा पनि चिन्ता व्यक्त गरे । नेपाल सरकारले बजेटको केही अंश पत्रकार र पत्रकारिताको लागि पनि छुट्याउनेतर्फ ध्यानाकर्ष गरे ।

अन्तरक्रिया कार्यक्रममा नेपाल पत्रकार महासंघका प्रदेश १ का अध्यक्ष लिला बल्लभ घिमिरे, प्रदेश नम्बर २ का अध्यक्ष राजेश कर्ण, गण्डकी प्रदेशका अध्यक्ष नारायण शर्मा, सुुदुर पश्चिम प्रदेशका अध्यक्ष योगेश रावल लगायतले आ—आफ्नो प्रदेशको पत्रकार र सञ्चार क्षेत्रमा कोभिडले पारेको असरको बारेमा मन्तव्य राखेका थिए ।

नेपाल प्रेस इन्ष्टिच्यूट (एनपीआई) का कार्यवाहक अध्यक्ष मन्टेश्वरी राजभण्डारीको अध्यक्षतामा सम्पन्न एनपीआईका संस्थापक तथा वरिष्ठ पत्रकार भारतदत्त कोइराला, एनपीआईका पूर्व अध्यक्ष तथा वरिष्ठ पत्रकार तिर्थ कोइराला, प्रेस काउन्सिलका पूर्व कार्यवाहक अध्यक्ष, गोपाल बुढाथोकी, प्रेस काउन्सिल नेपालका झविन्द्र भुषाल, आमसञ्चार प्राधिकरणका अध्यक्ष श्यामसुन्दर यादव, प्रादेशिक सञ्चार प्रतिष्ठान प्रदेश नम्बर १ का कार्यकारी निर्देशक यज्ञ शर्मा, वरिष्ठ पत्रकार पूण्य पौडेल, सञ्चार तथा सूचना प्रविधि मन्त्रालयका सूचना अधिकारी संगिता ओझा लगायत देशभरीबाट ६० जना भन्दा बढी सञ्चार सम्बद्धको सहभागिता रहेको थियो ।

नेपाल सरकार, सञ्चार तथा सूचना प्रविधि मन्त्रालयको अनुदान सहयोगमा सञ्चालन भएको कार्यक्रममा कार्यक्रमको उद्देश्य तथा स्वागत एनपीआई का महासचिव लक्ष्मणप्रसाद उप्रेती तथा धन्यवाद कार्यक्रमका सभापति तथा एनपीआईका कार्यवाहक अध्यक्ष मन्टेश्वरी राजभण्डारीले दिएकी थिईन ।

एनपीआईका तालिम संयोजक तथा वरिष्ठ पत्रकार कपिल काफ्लेले सञ्चालन गरेको सो कार्यक्रममा एनपीआईका पदाधिकारी तथा एनपीआईका नेपालगञ्ज क्षेत्रीय कार्यालय र विराटनगर क्षेत्रीय कार्यालयका प्रमुख तथा पदाधिकारीहरुको समेत सहभागिता रहेको थियो ।

Leave a Reply

Your email address will not be published. Required fields are marked *

Next Post

सशस्त्र प्रहरी बर्दियाद्वारा करिव डेढलाखको अबैध सामान नियन्त्रणमा

१५ भाद्र २०७८, मंगलवार १८:०४
बर्दिया : सशस्त्र प्रहरी बल नेपाल नम्बर ३१ गण बर्दियाले मंगलबार भन्सार छलेर नेपालतर्फ ल्याउँदै गरेको अवस्थामा करिव डेढ लाखबराबरको विभिन्न सामानहरु नियन्त्रणमा लिएको छ । सीमा सुरक्षाका लागि मातहतमा रहेका विभिन्न युनिटबाट खटिएका सशस्त्र प्रहरीले भारतबाट भन्सार चोरी पैठारी गरेर ल्याउँदै गरेको अवस्थामा विभिन्न सामानहरु बरामद गरेको हो । […]

सम्बन्धित