नेपालगञ्ज : चाडपर्वका बेला नेपालगन्जको त्रिबेणी मोडदेखि त्रीभुवन चोकसम्मको मुल सडकमै मेला राख्ने अचम्मको परम्परा छ ।
दसैं, तिहार, रक्षाबन्धन, होली लगायतका पर्वका अवसरमा प्रसाद, मिठाई, भूजा, चिउरा र फलफूल बिक्री गर्न ठेलामा मेला लगाईन्छ । अनौठो के भने बीच सडकमा मेला लाग्दा नेपालगञ्ज उपमहानगरपालिका बोल्दैन ।
उल्टो सडकमै मेला लगाउनका लागि एक दिनको ४ सयदेखि ५ सयसम्म कर लिने गरेको छ । सयौँ वर्षको परम्परा रहेको भन्दै नगरपालिका मौन बस्ने गरेको हो । बीच सडकमा मेला लाग्दा आउजाउमा समस्या हुने गरेको छ ।
हिँड्न पनि समस्या हुने स्थानीयको गुनासो छ । ट्फिक व्यवस्थापनका लागि प्रहरीले चार पांग्रे सवारी साधन प्रबेशमा रोक लगाए पनि भिडभाड उस्तै हुने गरेको छ ।
