नेपालगञ्ज : बाँकेको राप्तीसोनारी गाउँपालिका अन्तर्गत पर्ने महेन्द्र राजमार्ग सडकखण्डमा दुर्घटना हुँदा दुई जनाको मृत्यु भएको छ ।
राप्तीसोनारी गाउँपालिका १ गाभरमा सोमवार बिहान ट्रकले मोटरसाइकललाई ठक्कर दिदा मोटरसाइकल सवार दुई जनाको मृत्यु भएको इलाका प्रहरी कार्यालय कोहलपुरले जानकारी दिएको छ । मृत्यु हुनेमा बासगढी ८ बर्दियाका २२ वर्षीय चेतन बोहरा र २४ वर्षीय प्रदिप चौधरी रहेका छन् ।
इलाका प्रहरी कोहलपुरका अनुसार पुर्वतर्फ जाँदै गरेको ना६ख ६७९९ नम्बरको ट्रकले लु६प १८२२ नम्बरको मोटरसाईकललाई ठक्कर दिएको थियो । ट्रकको ठक्करबाट गम्भीर घाईते भएका बर्दियाका बोहोरा र चौधरीको उपचारका क्रममा नेपालगञ्ज मेडिकल कलेज कोहलपुरमा मृत्यु भएको छ ।
मोटरसाइकललाई ठक्कर दिने ट्रकलाई नियन्त्रणमा लिएर अनुसन्धान सुरु गरिएको इलाका प्रहरी कार्यालय कोहलपुरले जानकारी दिएको छ ।
