नेपालगञ्ज : जिल्ला खेलकुद बिकास समिति बाँकेको अध्यक्षमा मोहित शाह चयन भएका छन् । लुम्बिनी प्रदेश खेलकुद परिषदले प्रदेशका १२ जिल्लामा खेलकुद बिकास समितिका अध्यक्ष चयन गरेको छ ।
शिक्षा तथा सामाजिक बिकास मन्त्री माननीय धर्म बहादुर लाल श्रृवास्तबको अध्यक्षतामा र लुम्बिनी प्रदेश खेलकुद सदस्य सचिब भिम ओलीसहित बसेको बैठकले लुम्बिनी प्रदेश अन्तर्गतका सम्पुर्ण जिल्लाहरुमा जिल्ला खेलकुद बिकास समितिहरुलाइ पुर्णता दिएको छ ।
बाँके जिल्लामा मोहित शाहको अध्यक्षतामा ९ सदस्यीय समिति गठन भएको हो । मोहित शाह अध्यक्ष रहेको समितिमा उपाध्यक्ष कृष्णा पाठक, कोषाध्यक्षमा कमलेश कुमार पाठक रहेका छन् ।
त्यस्तै सदस्यहरुमा ललित सिंह, रहिम खान, चित्रा शिरीष, मकसुद अहमद हलवाई, गुरुवचन चौधरी, साकिर खान रहेका छन् ।
