नेपालगञ्ज : बाँकेमा आइतवार थप १० जनामा कोरोना भाइरस संक्रमण पुष्टि भएको छ । जिल्लाका तीन वटा प्रयोगशालामा ८३ नमुना परीक्षण गर्दा थप १० जनामा भाइरस संक्रमण पुष्टि भएको हो ।
भेरीमा २, मेडिकल कलेज कोहलपुरमा ५ र बागेश्वरीमा ३ गरी १० जना संक्रमित थपिएका छन् । तीमध्ये बाँकेका २ जना छन् । योसँगै बाँकेमा संक्रमितको संख्या १७ हजार ७ सय १९ पुगेको छ ।
यस्तै आइतवार थप ७ जना डिस्चार्ज भएका छन् । योसँगै जिल्लामा डिस्चार्ज हुनेको संख्या १७ हजार २ सय ८६ पुगेको छ । अहिलेसम्म बाँकेमा कोरोना भाइरस संक्रमणबाट ३ सय २२ जनाको मृत्यु भएको छ ।
जिल्लामा सक्रिय संक्रमितको संख्या १ सय ३१ पुगेको छ । जिल्लामा १२ जना सिकिस्त छन् । १८ जना मध्यम बिरामी हुँदा ५ जनाको भेन्टिलेटरमा राखेर उपचार भइरहेको छ ।
