बर्दिया : बर्दिया प्रहरीले तीन जनालाई पक्राउ गरेको छ । तीन जना मध्ये दुई जना लागुऔषधसहित पक्राउ परेका छन् भने एक जना कुटपीट मुद्दामा फरार रहेका अभियुक्त छन् ।
लागुऔषधसहित पक्राउ पर्नेमा बर्दियाको गुलरिया नगरपालिका वडा नं. ४ बस्ने २५ वर्षीय अरिव खान पठान रहेका छन् । उनलाई शनिबार प्रहरीले २४ ग्राम ४२० मिलिग्राम ब्राउन सुगरसहित गुलरिया नगरपालिका वडा नं.११ गणेशपुर स्थित बन्दै गरेको घरबाट पक्राउ गरेको हो ।
यस्तै शुक्रबार भारतबाट नेपाल तर्फ आउँदै गरेका बाँके खजुरा गाउँपालिका वडा नं.१ बस्ने २२ वर्षिय सुमित सुनारलाई ४ ग्राम २६० मिलिग्राम लागुऔषध ब्राउन सुगरसहित प्रहरीले नियन्त्रणम लिईएको छ ।
जिल्ला प्रहरी कार्यालय बर्दियाका सूचना अधिकारी तथा प्रहरी नायव उपरीक्षक हेम बहादुर शाहीका अनुसार पक्राउ परेका दुबै जनामाथि थप अनुसन्धान भइरहेको छ ।
त्यसैगरी बर्दिया जिल्ला अदालतले २०६६ साल असार ७ गते कुटपिट मुद्दामा ६ महिना कैद र २ हजार जरिवाना तोकिई फरार रहेका बर्दिया गुलरिया नगरपालिका वडा नं.११ बस्ने ३८ वर्षीय कलीम साईलाई पनि पक्राउ गरिएको शाहीले बताए ।
उनका अनुसार साईलाई आज आइतबार विहान गुलरीयाबाटनै पक्राउ गरिएको हो । पक्राउ परेका साईलाई बर्दिया जिल्ला अदालत गुलरियामा बुझाईएको छ ।
