नेपालगञ्ज : कोरोना संक्रमणबाट भेरी अस्पताल नेपालगञ्जमा थप एकजनाको मृत्यु भएको छ । ठाकुरबाबा नगरपालिका–५ बर्दियाका २३ वर्षीय युवकको भाइरस संक्रमणबाट मृत्यु भएको हो ।
स्वास्थ्यमा समस्या देखिएपछि मंगलवार विहान बागेश्वरी ल्यावमा परीक्षण गराउँदा उनलाई कोरोना पुष्टि भएको थियो । मंगलवारनै उनलाई भेरीको कोभिड वार्डमा भर्ना गरेर उपचार शुरु गरिएको थियो ।
कोरोना संक्रमणबाट गम्भीर अवस्थामा पुगेका उनको बुधवार विहान ३ बजे मृत्यु भएको जिल्ला कोभिड व्यवस्थापन केन्द्रका फोकलपर्सन तेज वलीले जानकारी दिए ।
योसँगै उपचारका लागि बाँके आएका बाहिरी जिल्लाका ३ सय ८० जना संक्रमितको मृत्यु भएको छ ।
