नेपालगञ्ज : सुलभ, गुणस्तरीय र मर्यादित सेवा ः नेपालको रक्तसंचार सेवा, भन्ने मुल नाराका साथ रक्तसंचार सेवा दिवस मंगलवार नेपालगंजमा मनाइएको छ ।
नेपाल रेडक्रस सोसाइटी प्रादेशिक रक्तसंचार सेवा केन्द्र बाँकेद्वारा आयोजित कार्यक्रममा रक्तसंचार सम्बन्धी उपकरण हस्तान्तरण खुला रक्तदान र कोण सभाको आयोजना गरि दिवस मनाइएको हो ।
नेपालगञ्ज उपमहानगरपालिका वडा नं. १३ ले मानवीय सेवा अन्र्तगत प्रादेशिक रक्तसंचार सेवा केन्द्रलाई वाटरवाथ, वि.पी.सेट, सेन्ट्रीफियुज र क्लोरीमिटर गरी ५० हजार बराबरको उपकरण का.बा. वडा अध्यक्ष सत्यनारायण यादवले नेरेसो बाँके शाखाका सभापति गोवर्धन सिंह सम्झनालाई हस्तान्तरण गरे ।
प्रादेशिक रक्तसंचार सेवा केन्द्र नेपालगञ्जबाट आ.बा. २०७७÷०७८ मा १० हजार ८ सय १६ सकंलन र १३ हजार ८३ पिन्ट रगत वितरण भएको कुरा रक्तसंचार सेवा केन्द्रका इन्र्चाज उपेन्द्र रेग्मीले जानकारी दिए । यसैगरी १८ सय ८ पिन्ट रक्ततत्व निर्माण (कम्पोनेट) र कोभिडबाट संक्रमित १ सय २९ जना विरामीलाई प्लाजामा उपलब्ध गराइएको थियो ।
नेपाल रेडक्रस सोसाइटी स्वास्थ्य सेवा समिति बाँकेका संयोजक राजकुमार वर्माको अध्यक्षतामा सम्पन्न कार्यक्रममा उपसभापति शान्ति श्रेष्ठ, कोषाध्यक्ष राकेशबहादुर श्रीवास्तव, का.बा.वडा अध्यक्ष सत्यनारायण यादव, नेरेसो जिल्ला शाखा र उपशाखा कार्यसमितिका पदाधिकारी, सदस्य, कर्मचारी र स्वयंसेवी रक्तदाताहरुको सहभागिता रहेको थियो भने कार्यक्रम संचालन नरेसो बाँके शाखाकी जनसम्र्पक अधिकृत सरिता सिंहले गर्नु भएको थियो ।
