नेपालगञ्ज : बाँकेमा कोरोना भाइरसको संक्रमण भई उपचाररत २३ जनाको अवस्था गम्भीर रहेको छ । दुई आइसोलेशन भेरी अस्पताल नेपालगञ्जमा १६ र नेपालगञ्ज मेडिकल कलेज शिक्षण अस्पताल कोहलपुरमा उपचाररत ७ गरी २३ जनाको अवस्था गम्भीर रहेको जिल्ला स्वास्थ्य कार्यालय बाँकेका कोरोना फोकल पर्सन नरेश श्रेष्ठले बताए ।
उनका अनुसार गम्भीर बिरामीमध्ये, एकजनाको भेन्टिलेटरमा र २२ जनाको आइसियुमा राखेर उपचार भईरहेको छ । अहिले भेरी अस्पतालको आइसोलेशनमा ५२ जना र शिक्षण अस्पताल कोहलपुरको आइसोलेशनमा ३४ गरी ८६ जना कोरोना संक्रमितको उपचार भईरहेको छ ।
उपचाररत ८६ बिरामीमध्ये, २३ जना गम्भीर, ४१ जना मध्यम र २२ जना सामान्य बिरामी रहेको श्रेष्ठले जानकारी दिए । बाँकेमा १ सय ७७ जना संक्रमित होम आइसोलेशनमा स्वास्थ्य लाभ गरिरहेका छन् ।
