नेपालगञ्ज : नेपालगञ्ज उपमहानगरपालिका वडा नं. ९ को वडा भेला सम्पन्न भएको छ । वडा भेलामा आर्थिक वर्ष २०७८/०७९ को बजेटमा योजना छनौट सहितका छलफलहरु भएको कार्यवाहक अध्यक्ष रमेश प्रसाद तिमिल्सिनाले जानकारी दिए ।
सो भेलामा करिव ९७ लाख ७९ हजार बजेट सिलिङ पाएकाले बजेटको सिमितता भित्र योजना बनाउनुपर्ने बाध्यता रहेको वडा सदस्य अकबर शेषले बताए ।
भिड–१९को विषम महामारीका कारण ढिलागरी भएको वडा भेला तथा छलफलमा सहभागी भएकाहरुले आ–आफ्ना योजनाहरु प्रस्तुत गरेका थिए । सामाजिक दुरी र उपस्थित संख्यालाई ख्याल गर्दै कार्यक्रम आयोजना गरिएको थियो । भेलामा विभिन्न राजनीतिक दल, सर्वसाधारण र विभिन्न कार्यालयका प्रतिनिधिहरुको सहभागिता रहेको थियो ।
नेपालगन्ज उपमहानगरपालिका वडा नं ९ का स्व अध्यक्ष बिस्नु बहादुर लामाको कोभिड–१९ को कारणले केही महिना अगाडि निधन भयको थियो ।
वडा भेलामा सहभागिले स्व. लामा प्रती श्रद्धाञ्जली अर्पण गरेका थिए ।
