बर्दियामा कोरोना संक्रमण दर बढ्दै

सदरलाइन संवाददाता ९ असार २०७८, बुधबार १२:२३
 

नेपालगञ्ज : बर्दियामा कोरोना भाइरस संक्रमण दर बढ्दै गएको छ । समुदायस्तरमा परीक्षण दर बढेसँगै जिल्लामा संक्रमण दर बढ्दै गएको कोभिड उपचार र व्यवस्थापनमा खटिएका जनस्वास्थ्य अधिकृत नरेश श्रेष्ठले बताए ।

बर्दियामा दैनिक एक सयको हाराहारीमा नमुना परीक्षण भइरहेको छ । तीमध्ये ५० प्रतिशतबढीमा भाइरस संक्रमण पुष्टि भइरहेको श्रेष्ठले बताए ।

दोस्रो लहर सुरु भएदेखि बैशाख १ गतेदेखि हालसम्म बर्दियामा ५ हजार ५ सय ४२ जनामा भाइरस संक्रमण पुष्टि भएको छ । १० हजार ३९ नमुना परीक्षण गर्दा ती संक्रमित थपिएका हुन्

। संक्रमण पुष्टि भएकामध्ये ४ हजार ९ सय ९ जना डिस्चार्ज भएका छन् भने १ सय २९ जनाको मृत्यु भएको छ । अहिलेपनि जिल्लामा ५ सय ६२ जना सक्रिय संक्रमित रहेका छन् ।

पहिलो लहरमा बर्दियामा १ हजार ७ सय ७८ जनामा संक्रमण देखिएको थियो भने १९ जनाको मृत्यु भएको थियो ।

Leave a Reply

Your email address will not be published. Required fields are marked *

Next Post

पहिरोले घर पुर्दा रोल्पामा तीनजनाको मृत्यु, तीन घाइते

९ असार २०७८, बुधबार १२:२३
रोल्पा : रोल्पाको रोल्पा नगरपालिका –९ होमामा मंगलवार राती पहिरोले घर पुरिँदा तीन जनाको मृत्यु भएको छ । अविरल वर्षाका कारण घरमाथिबाट झरेको पहिरोले घर पुरिँदा स्थानीय तिकासिंह बुढामगरका ८६ वर्षीय आमा क्रति बुढामगर, १८ वर्षीय बुहारी सुशीला बुढामगर र १५ वर्षिय छोरी श्यामकला बुढामगरको मृत्यु भएको प्रहरीले जनाएको छ […]