नेपालगञ्ज : पछिल्लो २४ घण्टामा बर्दियामा थप ७ जनामा कोरोना संक्रमण पुष्टि भएको छ । योसँगै बर्दियामा दोस्रो लहरमामात्रै कुल संक्रमितको संख्या ५ हजार ४ सय ८५ पुगेको कोरोना भाइरस रोकथाम, नियन्त्रण र उपचारको व्यवस्थापनमा खटिनुभएका जनस्वास्थ्य अधिकृत नरेश श्रेष्ठले जानकारी दिए ।
बर्दियामा अहिले पनि ५ सय ७९ जना सक्रिय संक्रमित रहेको तथ्याङ्क छ । कुल संक्रमितमध्ये अहिलेसम्म ४ हजार ७ सय ८१ जना डिस्चार्ज भइसकेका छन् । ३९ जना अस्पताल भर्ना भएका छन् ।
तीमध्ये ३ जनाको आइसीयूमा राखेर उपचार भइरहेको श्रेष्ठले बताए । ५ सय ३० जना होमआइसोलेसनमा बसिरहेका छन् । दोस्रो लहरमा मात्रै बर्दियामा १ सय २५ जनाले ज्यान गुमाएको तथ्याङ्क छ ।
