काठमाण्डौ : प्रधानमन्त्री केपी शर्मा ओली सोमवार पोखरा जाँदै छन् । पोखरामा उनले गण्डकी प्रदेश सरकारले बनाउन लागेको प्रदेश प्रशिक्षण प्रतिष्ठान भवनको शिलान्यास गर्ने कार्यक्रम छ ।
यस्तै पार्टीको प्रदेशस्तरीय अगुवा कार्यकर्ताको भेलालाई सम्बोधन गर्ने प्रधानमन्त्री ओलीको निजी सचिवालयले जनाएको छ ।
यसअघि आइतवार प्रधानमन्त्री ओली ‘नेपाल–चीनमैत्री औद्योगिक पार्क’ शिलान्यास गर्न गृहजिल्ला झापा गएका थिए ।
झापाको कमल गाउँपालिकामा भएको शिलान्यास कार्यक्रममा प्रधानमन्त्री ओलीले आफूलाई अविश्वासको प्रस्तावबाट हटाउन प्रचण्ड–नेपाल समूहलाई चुनौती दिएका थिए ।
