कोरोना संकटको बेलामा प्लानको सहयोगमा बाँके युनेस्कोद्वारा खाद्यान्न बितरण

सदरलाइन संवाददाता २६ जेष्ठ २०७८, बुधबार १३:२३
 


नेपालगञ्ज : बाँके युनेस्को क्लबले प्लान इन्टरनेसनल नेपालको आर्थिक सहयोगमा ‘समुदायका लागि खाद्यान्न सहयोग कार्यक्रम’ अन्तर्गत कोरोना संक्रमणको कारणले गर्दा अत्याधिक आर्थिक संकटमा परेर जिविका चलाउन समस्यामा परेका नेपालगञ्ज उपमहानगरपालिका भित्रका ३ सय ६५ विपन्न परिवारलाई खाद्यान्न राहात वितरण गरेको छ ।

नेपालगञ्ज उपमहानगरका मेयर डा. धवल शम्सेर राणाले सो खाद्यान्न राहात वितरण कार्यको शुभारम्भ गर्दै कोभिडको कारणले गर्दा आर्थिक अवस्था कमजोर भएका समुदायका अति विपन्न परिवारलाई ठुलो परिमाणको खाद्यान्न वितरण गरिएकोमा युनेस्को र प्लानप्रति आभार व्यक्त गरे । उनले यो सहयोगले विपन्न परिवारको दैनिक गुजारा चलाउन सजिलो भएको दाबी गरे ।

क्लबका संरक्षक प्रवेज अली सिद्दिकीले खाद्यान्न वितरण गरिएका हरेक परिवारलाई १३ हजार ४ सय ९५ रुपियाँ ५० पैसा बराबरको सयकेजी चामल, २५ केजी मसुरोको दाल, ५ लिटर खानेतेल, ६ केजी नुन, चिनि ५ केजी, मटर, चना र सिमिको दाल ५–५ केजी र १५ वटा साबुन वितरण गरिएको जानकारी दिए । यो खाद्यान्न तोकीएको भेण्डरबाट पेटिएमको भौचरबाट भुक्तानी हुने गरी उपलब्ध गराईउने गरिएको छ ।

खाद्यान्न सहयोग पाउनेहरुमा नेपालगञ्ज १७, १८, १९ र २२ का अति विपन्न परिवार बाहेक वडा नम्बर १ स्थित समाज विकास तथा प्रवद्र्धन केन्द्रको अनाथालयमा रहेका ९ जना अनाथ बालिका र वडा नम्बर ४ स्थित नेपालगञ्ज कन्या विद्यालयका ४० जना छात्राहरु रहेको क्लबका अध्यक्ष राजेन्द्र चौधरीले जानकारी दिए ।

खाद्यान्न राहात पाउनेहरुमा २९३ परिवार प्लान स्पोन्सर विपन्न परिवार र ७२ परिवार अन्य विपन्न परिवार रहेका छन् । सो अवसरमा बाँके युनेस्को क्लबका संरक्षक सिद्दिकी, अध्यक्ष चौधरी, कार्यकारी निर्देशक रवि तुलाधर, कोषाध्यक्ष बुधेश जयसवाल, कार्यसमितिका सदस्य फिरदौस जहाँ लगायतले पनि खाद्यान्न वितरण गरेको कार्यक्रम सञ्चालन क्लबका अनुप बर्माले गरेका थिए ।

Leave a Reply

Your email address will not be published. Required fields are marked *

Next Post

‘वडा अध्यक्ष चिकित्सकसहित घरमै पुग्दा कोरोना जित्न सहज’

२६ जेष्ठ २०७८, बुधबार १३:२३
नेपालगञ्ज : सामुदायस्तरमा फैलिएको कोरोनालाई नियन्त्रण गर्ने उद्देश्यका साथ नेपालगञ्ज–१८ का जनप्रतिनिधिको पहलमा सुरु गरेको संक्रमितको घरदैलोमै चिकित्सकसहितको स्वास्थ्य उपचार, औषधि किट, र निशुल्क एम्वुलेन्स सेवा प्रभावकारी भएको पाईएको छ । कोरोना संक्रमणको दोस्रो भेरियन्ट सुरु भएसंगै संक्रमणको चपेटामा परेकी नेपालगञ्ज–१८ प्रगतिनगरकी ३२ वर्षिया गौरी थापा कोरोना संक्रमित भईन । […]